Blog

Mundësi të reja punësimi në Gjermani dhe Shqipëri (remote)! Në faqen tonë të internetit mund të gjeni informacione të detajuara në lidhje me vende të lira konkrete punë në Gjermani si dhe në Shqipëri (remote). Kësaj rradhe kemi edhe vende të lira për punë për klientë në Gjermani, por që mund të kryhen nga Shqipëria (remote ). Në këtë mënyrë merrni një pagë si në Gjermani, por duke jetuar në Shqipëri! Nëpërmjet kësaj faqeje mund të aplikoni direkt duke plotësuar formularin e aplikimit apo duke dërguar CV tuaj në adresën e emailit: contact-me@wifi-personal.de . Mos e humbisni këtë mundësi për të filluar një punë me pagesa shumë të kënaqshme dhe me perspektiva të shkëlqyera profesionale.

Ndryshimet në ligjin për emigracionin e punonjësve të kualifikuar që po diskutohen aktualisht në Parlamentin gjerman, dhe që parashikojnë disa lehtësira në lidhje me procedurat e emigrimit për personat që vijnë jo nga vendet e BE, rrisin njëkohësisht edhe kërkesat mbi njohuritë e gjuhës gjermane . Disa nga lehtësirat që po diskutohen përfshijnë njohjen e lehtësuar në Gjermani të kualifikimeve profesionale të kryera në vendin e origjinës, apo mundësimin e aksesit në tregun gjerman të punës edhe personat që nuk kanë një kualifikim formal, por kanë përvojë të konsiderueshme punë në një profesion të caktuar. Gjithashtu parashikohen lehtësira për marrjen e vizës për të kërkuar punë për personat që kanë një kualifikim universitar, kanë përvojnë punë apo kanë njohuri të mira të gjuhës gjermane . Edhe për personat që kërkojnë të kryejnë një kualifikim formal profesional në Gjermani (kohëzgjatje 3 vjeçare) parashikohen lehtësira por kriteri i gjuhës gjermane në nivelin B1 mbetet. Për të ndihmuar personat të cilat dëshirojnë të emigrojnë në Gjermani për të tejkaluar barrierën e gjuhës, GO WEST Recruitment ofron kurs online të gjuhës gjermane duke filluar nga nivelet fillestare A1 dhe A2 . Këto kurse janë të fokusuara më tepër tek aftësitë e komunikimit dhe të të shprehurit si aftësitë më të nevojshme për një punësim të sukseshëm në Gjermani. Informacione mbi kursin: · Fillimi: prej datës 1 maj, dhe ofrohen 3 herë në javë, në mbrëmje dhe fundjavë, · Gjithsej deri në 60 mësimore · Instruktorë gjermanë dhe shqiptarë · Numër i kufizuar pjesëmarrësish, 6 – 8 për kurs · Kurs opsional: 15 orë mësimore intensive mbi termat teknikë që përdoren në degë të ndryshme të industrisë si hoteleri, gastronomi, tregti, etj. · Çertifikatë pjesëmarrjeje për nivelin përkatës nga një institut gjuhe në Gjermani Regjistrimin për kursin si dhe çdo pyetje mbi kursin mund t’i drejtoni në adresën e emailit: info@pune-ne-gjermani.eu .

Po kërkoni për një mundësi punësimi në Gjermani ? Për nje vend pune që i përshtatet profilit dhe aftësive tuaja? Atëherë platforma jonë është vendi i duhur për këtë gjë. Ju mund të aplikoni direkt për një nga vendet e punës që janë listuar në faqen tonë të internetit ( https://www.pune-ne-gjermani.eu/vende-pune ). Në këtë rast në formularin e aplikimit zgjidhni vendin konkret të punës për të cilin po aplikoni, dhe plotësoni të dhënat e tjera të kërkuara. Por ju mund të plotësoni formularin e aplikimit të fund të faqes së mësipërme dhe të regjistroheni në platformën tonë edhe kur aplikoni për një vend pune që nuk është listuar në platformën tonë. Në këtë rast mund të shënoni llojin apo vendin e punës në të cilin dëshironi të punësoheni. Regjistrimi në platformën tonë ka si avantazh faktin që sa herë që publikohen vende të reja konkrete pune, ne informojnë të parët personat që janë regjistruar nëpërmjet plaftformës tonë, për t’iu dhënë këtyre të fundit mundësinë për të aplikuar për vendin e punës, para se ta publikojmë informacionin edhe nëpërmjet platformave të tjera. Për të rritur shanset për një ndërmjetësim të sukesshëm, është shumë e rëndësishme që aplikimi të përmbajë të gjitha të dhënat e kërkuara në formularin e aplikimit , por edhe të dhëna shtesë që plotësojnë profilin e aplikuesit, si psh. informacione mbi përvojat konkrete të punës në profesione apo zanate të ndryshme, informacione mbi kualifikfime specifike të kandidatit, apo edhe informacione mbi të drejtën e qëndrimit apo lejën e punës për personat që ndodhen tashmë në Gjermani. Gjithashtu, një jetëshkrim (CV) profesional dhe i plotë, si dhe diplom a apo çertifikata të ndryshme që vërtetojnë kualifikimin profesional të kandidatit janë shumë të rëndësishme për të krijuar një profil të plotë të kandidatit. Këtu mund të gjeni formate tip të gatshme për përgatitur një jetëshkrim profesional dhe dokumentat e tjera shoqërueses të jetëshkrimit. GO WEST Recruitment ju ofron të gjithë të interesuarve nga datat 15 shkurt – 15 mars 2023 shërbimin e kontrollit të jetëshkrimit (CV-Check) pa pagesë . Ju mund të dërgoni jetëshkrimin tuaj në adresën info@pune-ne-gjermani.eu dhe brenda një jave do të merrni përgjigjen tonë me komentet dhe sugjerime për të patur një jetëshkrim sa më profesional.  Foto von Marten Newhall auf Unsplash .

Gjermania është një destinacion popullor për studentët e huaj që kërkojnë të fitojnë përvojë pune dhe të fitojnë para gjatë pushimeve të tyre verore . Vendi ofron një gamë të gjerë punësh sezonale, nga puna në fermë dhe mbledhja e frutave deri te mikpritja dhe turizmi. Avantazhi i punës sezonale në Gjermani është paga relativisht e lartë në krahasim me vendet e tjera. Shumë studentë janë në gjendje të kursejnë një shumë të konsiderueshme parash gjatë pushimeve të tyre verore, të cilat mund të përdoren për të paguar studimet ose udhëtimet e tyre. Studentët mund të fitojnë në 3 muaj atë që u nevojitet normalisht për të gjithë vitin në vendet e tyre të origjinës. Për të punuar në Gjermani si student i huaj, ju duhet të merrni një leje pune . Procesi mund të ndryshojë në varësi të vendit të origjinës, por në përgjithësi, ju duhet të planifikoni dhe aplikoni disa javë përpara para se të largoheni nga vendi juaj. Ekzistojnë gjithashtu një sërë organizatash dhe agjencish që mund të ndihmojnë studentët e huaj të gjejnë punë sezonale në Gjermani. Këto organizata mund të ofrojnë informacion mbi mundësitë e punësimit, të ndihmojnë në procesin e aplikimit për leje pune dhe të ofrojnë mbështetje dhe këshilla gjatë qëndrimit tuaj në Gjermani. GO WEST Recruitment ofron ndihmë gjatë gjithë procesit që nga gjetja e punëdhënësve në Gjermani që kërkojnë punëtorë sezonalë gjatë verës deri te ndihma për përgatitjen e dokumenteve të nevojshme për lejen e punës dhe organizimi i udhëtimit tuaj për në Gjermani. Ne punojmë me shumë punëdhënës që vijnë nga sektorët e turizmit, hotelierisë dhe gastronomisë. Na kontaktoni për më shumë informacion në lidhje me punësimin s ezonal në Gjermani  nëpërmjet formularit të kontaktit apo direkt nëpërmjet emailit tonë.

Arsimi profesional , i njohur gjithashtu si f ormimi profesional ose shkolla profesionale , është një formë e njohur dhe shumë e respektuar e arsimit në Gjermani. Në fakt, sistemi gjerman i arsimit profesional shpesh mbahet si një model për vendet e tjera. Një nga karakteristikat kryesore të arsimit profesional në Gjermani është partneriteti i ngushtë mes shkollave dhe industrisë . Shkollat ​​profesionale punojnë ngushtë me bizneset lokale për të siguruar që trajnimi që ato ofrojnë është i përshtatshëm dhe i përditësuar dhe që studentët të jenë të përgatitur mirë për profesionin. Një aspekt tjetër i rëndësishëm i arsimit profesional në Gjermani është sistemi dual , i cili kombinon mësimin në klasë me trajnimin në vendin e punës. Ky sistem gjithashtu i lejon studentët të fitojnë para ndërsa mësojnë, pasi zakonisht paguhen me një pagë si praktikantë . Kjo pagë, në varësi të profesionit, varion nga 900 deri 1.100 € në muaj gjatë vitit të parë dhe rritet vit pas viti. Në Gjermani ofrohen mbi 340 programe të ndryshme të arsimit dhe formimit profesional, që mbulojnë një gamë të gjerë industrish dhe profesionesh, duke përfshirë kujdesin shëndetësor, inxhinierinë, ndërtimin dhe hotelerinë, gastronominë, IT , etj. Përveç kësaj, studentët kanë mundësinë të vazhdojnë arsimin e tyre dhe të trajnohen për role më të avancuara ose të specializuara pas përfundimit të arsimit fillestar profesional. Për më tepër, arsimi profesional në Gjermani është i hapur për të gjithë studentët pavarësisht nga formimi i tyre akademik , gjë që siguron që të gjithë të kenë mundësinë për të pasur sukses. GO WEST Recruitment punon me punëdhënës të ndryshëm që ofrojnë formim profesional dhe të cilët vazhdimisht janë në kërkim të studentëve të rinj . Ne mbështesim studentët e interesuar për të gjetur një vend trajnimi të duhur në Gjermani. Nëse keni më shumë pyetje në lidhje me formimin profesional në Gjermani mos hezitoni të na kontaktoni nëpërmjet formularit të kontaktit apo direkt nëpërmjet emailit tonë. Do të ishim më se të lumtur t'ju ndihmonim në rrugëtimin tuaj të formimit profesional në Gjermani .

Si rregull ka dy lloje ndërmjetësimesh: ndërmjetësim për punë dhe ndërmjetësim për punonjës. Në rastin e parë, është një person punëkërkues që kërkon ndihmën e një ndërmjetësuesi për të gjetur punë, dhe në këtë rast ky person paguan edhe kostot e shërbimit. Në rastin e dytë, atë të ndërmjetësimit për punonjës , janë punëdhënësit që angazhojnë një ndërmjetësues për të gjetur punonjës, dhe për këtë arsye kostot e shërbimit të ndërmjetësimit mbulohen nga punëdhënësi. GO WEST Recruitment ofron të dyja llojet e ndërmjetësimeve, por kryesisht ne jemi të fokusuar tek ndërmjetësimi për punonjës . Aktualisht tregu i punës në Gjermani, por edhe në Austri apo Zvicër ka një kërkesë të madhe për punonjës, por një ofertë të vogël fuqi e punëtore të kualifikuar dhe me kualifikim të ulët. Për këtë arsye punëdhënësit konkurrojnë për punonjës. Pasi ne m arrim kërkesat e punëdhënësve për punonjës, i publikojmë këto kërkesa dhe profile punë të kërkuara në faqen tonë të internetit, në mediat sociale dhe nëpërmjet buletinit (Newsletter) tonë, dhe fillojmë të rekrutojmë punonjës të mundshëm. Aplikimet e marra shqyrtohen paraprakisht nga ne dhe më pas aplikuesit që i përshtaten profilit të punës së kërkuar i dërgohen punëdhënësit që vendos përfundimisht për punësimin e aplikuesit apo jo. I gjithë ky proçes dhe shërbim i ofruar nuk i kushton aplikuesit asnjë lek . Kostot e shërbimit mbulohen nga punëdhënësi . Nëse keni më shumë pyetje në lidh je me proçesin e ndërmjetësimit mos hezitoni të na kontaktoni nëpërmjet formularit të kontaktit apo direkt nëpërmjet emailit tonë. 

Kjo është një pyetje legjitime që i intereson çdo personi që dëshiron të përdorë shërbimet e ndërmjetësimit për punë. Këto kosto, të cilat në varësi të shërbimit të ofruar dhe të hapave të ndërmarrë nga ndërmjetësuesi për të gjetur një vend të përshtashëm pune, mund të shkojnë nga disa qindra deri në disa mijëra euro. Normalisht, kur një punëdhënës angazhon një firmë ndërmjetësuese për të gjetur punonjës, atëherë të gjitha kostot e shërbimit të ndërmjetësimit mbulohen nga punëdhënësi. Kjo parashikohet edhe në legjislacionin shqiptar të punës. Punëmarrësi si rregull nuk duhet të paguajë asnjë kosto për shërbimin e ndërmjetësimit. Këtë rregull ndjekim edhe ne tek GO WEST Recruitment . Kostot e shërbimit të ndërmjetësimit mbulohen direkt nga punëdhënësi , dhe kjo vetëm në rastin e një ndërmjetësimi të s uksesshëm nga ana jonë. Punëmarrësi mbulon si rregull vetëm kostot për marrjen e vizës apo lejes së punës në Ambasadën përkatëse, si dhe kostot e udhëtimit për në vendin e punës . Megjithëse për këto fundit punëdhënësit shpeshherë janë të gatshëm të mbulojnë një pjesë të tyre. GO WEST Recruitment ofron informacion dhe këshillim të plotë në lidhje me çështjen e kostove për shërbimet e ndërmjetësimit. Vizitoni faqen tonë në internet ose na kontaktoni direkt nëpërmjet emailit apo formularit tonë të kontaktit . 

Gjermania përveç se është sot fuqia më e madhe ekonomike e Evropës, është edhe një nga vendet që tërheq më shumë punonjës të kualifikuar për shkak të kushteve të mira të punës dhe avantazheve të tjera që ofron për punëmarrësit. Sot tregu i punës në Gjermani është një treg i dominuar nga punëmarrësit dhe jo nga punëdhënësit. Kjo do të thotë që kërkesa për punonjës të kualifikuar është kaq e lartë, sa punëmarrësit janë në gjendje të zgjedhin punëdhënësin, dhe jo e anasjellta. Gjermani ka aktualisht nevojë për mbi 400.000 punonjës të kualifikuar neto në vit në mënyrë që ekonomia të vazhdojë të jetë produktive dhe konkurruese. Këtu nuk përfshihen kërkesat e bizneseve gjermane për persona të cilët ndjekin një formim profesional. Për këtë arsye tani është koha më e mirë për t’i hedhur sytë në tregun gjerman të punës për të siguruar një punësim të ligjshëm apo një kontratë për formim profesional. GO WEST Recruitment së bashku me partnerin gjerman WIFI Personalvermittlung GmbH i.G. ju jep mbështetjen e nevojshme duke ndërmjetësuar për punë apo formim profesional në Gjermani. Na kontaktoni direkt ose dërgon i  aplikimin tuaj për punë këtu.

Sot tregu gjerman i punës ofron punë në profesione dhe zanate të ndryshme, me kërkesa të larta por edhe të ulëta kualifikimi. Veçanërisht sektorët e hotelerisë, gastronomisë, tregëtisë, transportit, ndërtimit (përfshirë profesionet e lidhura me ndërtimin), përkujdesit shëndetësor dhe të teknologjisë së informacionit kanë nevoja shumë të mëdha për personel. Jo vetëm për personel afatshkurtër për të plotësuar nevojat sezonale, por edhe afatgjatë për të siguruar ecurinë dhe zhvillimin e mëtejshëm të biznesit. GO WEST Recruitment së bashku me partnerin gjerman WIFI Personalvermittlung GmbH i.G. ndërmjetëson punësim të ligjshëm në Gjermani. Nëse jeni punonjës i kualifikuar dhe me përvojë pune, apo ju mungon një kualifikim profesional por jeni të gatshëm të mësoni detyra të caktuara, atëherë na kontaktoni dhe së bashku mund të diskutojmë për hapat tuaj të mundshëm për punësim në Gjermani.